Доцна синоќа и официјално започна новата сезона во најсилната лига на светот, НБА, а актуелниот шампион Лос Анџелес лејкерс во првиот натпревар загуби во градското дерби.
Лос Анџелес клиперс беа подобри од „езерџиите“ со резултат 116:109, во победничките редови се истакна Пол Џорџ со 33 поени, додаде шест скока, а на спротивната страна Леброн Џејмс запиша 22 поени, четири помалку Ентони Дејвис.
Интересен е податокот кој вели дека и минатата сезона Лејкерси стартуваа со пораз токму од градските ривали, па на крајот ја освоија шампионската титула.
Во вториот меч Бруклин беше убедлив над Голден стејт (125:99), Кевин Дурент имаше одличен „кам-бек“ после пропуштената сезона поради повреда. Постигна 22 поени, поефикасен беше само Кајри Ирвинг (26).
Коментари
Loading…