Ana
Фосил од бебе диносаурус, совршено завиткан во јајцето, неодамна пронајден, фрла повеќе светлина врз врските меѓу диносаурусите и птиците.
Фосилот стар 70 милиони години го зачувл ембрионскиот скелет на диносаурус овирапторид, наречен Бебе Џинглијанг по Кинескиот музеј каде што се наоѓа фосилот.
Коските на бебињата диносауруси се мали и кревки и многу ретко се зачувуваат како фосили, што го прави ова многу среќно откритие, рече Дарла Зеленицки, вонреден професор на Катедрата за геонауки на Универзитетот во Калгари во Канада.
„Тоа е неверојатен примерок… 25 години работам на јајца од диносаурус и сè уште не сум видел ништо слично“, вели Зеленицки, коавтор на студијата објавена во списанието iScience.
An unprecedented fossil of a baby dinosaur curled up perfectly inside its egg is shedding more light on the links between dinosaurs and birds https://t.co/doKgAZQQym
— CNN (@CNN) December 21, 2021
Јајцето е долго околу 17 сантиметри, а се проценува дека диносаурусот е долг од глава до опашка 27 сантиметри. Истражувачите веруваат дека како возрасен, доколку живеел, би бил долг околу два до три метри.
Истражувачи од Кина, Велика Британија и Канада ја проучувале положбата на бебето Џинглијанг и другите претходно пронајдени оврапторидни ембриони. Тие заклучиле дека диносаурусите се движеле и ги менувале позите пред да се изведат на начин сличен на младенчињата птици.
