Имате подочнаци?! Овие намирници можат да ви помогнат трајно да се ослободите од нив

Прочитајте на кои се природни начини можете да се ослободите од темните кругови околу очите.

Ако имате темни кругови околу очите, овие природни маски и облоги ќе ви помогнат да се справите со нив. Се разбира, за се е потребно време. Бидете трпеливи и резултатите ќе дојдат.

Млеко

Овој напиток има фантастична способност да ја избелува кожата, па затоа е идеален за отстранување на темните кругови околу очите. Натопете памукче во млеко, оставете да се исцеди вишокот течност, а потоа нежно тријте ја кожата околу очите. Оставете да делува половина час, а потоа исплакнете со топла вода.

Ананас

Растворете бебешка пудра во малку вода и мешајте додека не се добие паста. Додадете свежо исцеден сок од ананас, претходно изладен во фрижидер и добро измешајте. Нанесете ја пастата на пределот околу очите и држете петнаесет минути. Оваа процедура се применува два пати неделно, а уште подобри резултати се постигнуваат ако свежо исцеден сок од лимон внимателно се нанесува на пределот околу очите по облогите, наведува „sanportal.info“.

Бел слез

Направете смеса од 15 гр камилица и 10 гр корен од бел слез и 10 гр корен од сладок корен, па прелијте со 2 дл вода. Ставете на шпорет и кога ќе зоврие оставете да се динста неколку минути, а потоа изладете и процедете. Натопете памукчиња со млакиот чај и намачкајте ги очните капаци. После тоа, ставете ги растенијата во газа и држете ги на очните капаци десет минути. Извадете ги облогите и измијте се со чајот.