Ana
Португалецот нема намера да остане во Манчестер Јунајтед, а со дозвола од клубот сѐ уште не се приклучил на подготовките бидејќи сака да се фокусира на барањето нова работа. Приоритет му е настапот во Лигата на шампионите каде Јунајтед ќе го нема оваа сезона.
Баерн, Интер и Челзи беа клубовите со кои најчесто се поврзуваше Роналдо, но на крајот сите решија да не го доведат. L’Equipe пишува дека Роналдо сега има само две опции, а првата е онаа што воопшто не ја сака – останување во Јунајтед.
Друга опција е Атлетико Мадрид. Иако е голем ривал на поранешниот клуб на Роналдо, Реал, Л’Екип тврди дека поверојатно е тој да замине во Атлетико отколку да остане во Јунајтед. Агентот на Роналдо, Жорге Мендеш, исто така е многу посветен на постигнување договор со Атлетико. Доколку Роналдо не успее да најде клуб кој игра во Лигата на шампионите, тоа ќе го смета за свој личен пораз, додаваат Французите.
