За време на првомајските празници се очекуваат 250 милиони патувања во Кина!

Се проценува дека во Кина ќе има 250 милиони патувања за време на петдневниот одмор, од 1 до 5 мај, за време на прославата на Меѓународниот ден на трудот, објави кинеската медиумска група.

Како што беше истакнато, продажбата на билети за туристички атракции, авионски и билети за воз и резервации во хотели е значително зголемена. Туристичките атракции низ Кина ги адаптираа методите за продажба на билети за да одговорат на скокот на побарувачката на туристи.

Билетите за познатиот Забранет град во Пекинг се распродадоа во рок од 10 минути кога започна продажбата преку Интернет.

Во провинцијата Сечуан во југозападниот дел на Кина, музејот Санкингдуи ќе го ограничи дневниот број на посетители и ќе бара однапред резервација преку Интернет. Музејот привлече големо внимание на посетителите од крајот на март, откако археолозите пронајдоа повеќе од 500 предмети стари околу 3.000 години.

Бројот на регистрирани возила во Кина надмина 229 милиони до крајот на март, така што се предвидува метежот на автопатите да се зголеми за 10% во споредба со истиот период минатата година.