Во Јужна Кореја се убиени повеќе од 400.000 кокошки и патки поради птичји грип!

Јужнокорејските власти потврдија дека епидемија на високо патоген вирус на птичји грип H5N8 избувна на фарма за живина на југозападот на земјата.

Ова го објави Светската организација за заштита на здравјето на животните (ОИЕ).

Цитирајќи изјава од јужнокорејското Министерство за земјоделство, ОИЕЕ издадоа предупредување на својата веб-страница во кое се наведува дека 19.000 патки биле убиени на фарма во градот Гирин-ри.

Други 392.000 кокошки и патки беа превентивно убиени на шест фарми во тој дел од земјата, објави јужнокорејското Министерство за земјоделство.