ОФИЦИЈАЛНО: Агуеро го напушта Сити на крајот на сезоната

Голгетерот на Манчестер Сити, Кун Агуеро се одлучи да ги напушти Граѓаните на крајот на сезоната, соопштија од клубот. 32 годишниот напаѓач остана без договор и клубот му даде до знаење дека не сака да му го продолжи истиот.

Аргентинецот потпиша за Сити од Атлетико Мадрид во 2011 и за англичаните постигна 257 погодоци во 384 натпревари за клубот. Агуеро ќе остане засекогаш во срцата на навивачите поради многуте погодоци, а особено поради голот против КПР кој им ја донесе на Сити првата титула во Премиер Лигата.