Концерт за време на корона – Париз!

Илјадници луѓе, со маски и негативни тестови за вирусот корона, присуствуваа на концертот во Париската арена.

Концертот се одржа во рамките на јавниот здравствен експеримент за да се подготви Франција за продолжување на големите настани.

Раководството на париската јавна болница помогна да се организира настанот за да се утврди дали е безбедно да се дозволи 5000 маскирани лица да танцуваат заедно во затворениот простор на концертната арена без да се држат на дистанца.

Влезот беше бесплатен, но беше потребно да се направат три теста – два пред и еден по концертот.

Според надлежните од болницата, со цел дополнително да се намали ризикот, организаторите дозволиле присуство на само лица на возраст меѓу 18 и 45 години без хронични болести.