ГОЛЕМ ПРОБЛЕМ ЗА ХРВАТСКАТА РЕПРЕЗЕНТАЦИЈА! Иван Перишиќ позитивен на коронавирус!

Во текот на вечерта, Хрватскиот фудбалски сојуз (ХНЗ) ги доби резултатите од редовното тестирање за вирусот САРС-КоВ-2, што покажа дека репрезентативецот Иван Перишиќ е позитивен на коронавирус.

Како што е наведено, медицинската служба на хрватската репрезентација го изолирала Иван Перишиќ од другите репрезентативци и веднаш детално ја известила надлежната епидемиолошка служба за состојбата, со докази за усогласеност со сите мерки за заштита од ширење на коронавирус .

Перишиќ ќе помине 10 дена во самоизолација и во тој период нема да се натпреварува за натпреварите на хрватската репрезентација.

Сите други репрезентативци, членови на стручниот штаб и делегацијата се негативни.

Како што понатаму се наведува, репрезентацијата има лет од Пула за Копенхаген во недела, каде во понеделник на 28 јуни ќе го одигра натпреварот од осминафиналето на ЕУРО 2020 против Шпанија.