Меркел: Се надеваме дека Северна Македонија ќе започне преговори за членство во ЕУ до крајот на 2020 година

Германската канцеларка Ангела Меркел на конференција во понеделникот рече дека се уште има шанси Северна Македонија да ја одржи својата прва меѓувладина седница со официјален Брисел за почеток на преговорите за членство во ЕУ.

„Се соочуваме со тешкотии да обезбедиме организација на првата меѓувладина конференција со Северна Македонија, бидејќи сè уште постои потреба од преговори меѓу официјално Скопје и Софија. Навистина се надевам дека Северна Македонија ќе ги започне преговорите за членство со ЕУ до крајот на оваа година, додека Албанија ќе мора да почека уште малку. Ние посветуваме многу внимание на Западен Балкан. Точно, таму има конфликти, но има и значителен напредок, благодарение на Берлинскиот процес, кој досега даваше многу добри резултати “, рече Меркел.