Ana
Според фенг шуи, предметите што ги имаме во куќата, како и начинот и местото на нивното поставување, многу влијаат на енергијата што циркулира низ домот.
Приврзаниците на оваа филозофија веруваат дека предметите во домот можат да привлечат добра енергија и напредок, но и лоша среќа, стагнација, немир и сиромаштија.
Затоа треба да внимаваме какви работи чуваме во домот, но и дали другите ги користат. Позајмувањето работи не се смета за особено добро од поддржувачите на фенг шуи.
Иако често се случува да позајмиме парче облека, такво нешто не се препорачува според учењата за фенг фуи. Подобро подарете ја вашата гардероба, особено ако повеќе не се чувствувате удобно во неа. Пред да одлучите да донирате, задолжително исперете ја и испеглајте ја облеката од хигиенски и енергетски причини.
И влечките не треба да ги позајмувате. Се верува дека на тој начин привлекувате блокада во кариерата, како и стагнација и тешкотии на работа. Би било добро да имате неколку пара влечки за гостите кои ќе бидат исклучиво за нив.
Часовникот е исто така предмет што не треба да го позајмувате на други. Се верува дека со враќањето на часовникот ќе ја соберете сета негативна и лоша енергија на личноста на која сте му го позајмиле овој предмет.
