Откриени два оловни саркофази во Газа: „Тоа ги продлабочува палестинските корени на оваа земја“

Археолозите кои работат на римските гробишта стари 2.000 години, откриени во Газа минатата година, пронајдоа најмалку 125 гробници, повеќето со скелети сè уште главно недопрени, и два ретки оловни саркофази, соопшти палестинското Министерство за антиквитети.

„Ова е првпат да откриеме гробишта со 125 гробови во Палестина, а исто така е првпат да откриеме два саркофази направени од олово во Газа“, рече Фадел Ал-Аутул, експерт во францускиот Факултетот за библиски и археолошки истражувања, изјави за Ројтерс.

Еден од двата саркофази беше украсен со слики од грозје, а другиот со делфини, рече Аутул, чија организација ја надгледува работата со помош на француската агенција за помош Premiere Urgance International. Потребни ни се средства за да се зачува овој археолошки локалитет за да не се измие историјата“, додаде тој. Аутул рече дека се надева дека локацијата ќе стане туристичка дестинација и музеј за прикажување на наодите.

Најмалку 25 инженери и техничари беа ангажирани во копањето, расчистувањето на земјиштето и зачувувањето на скелетот. Тие ги споиле и глинените садови пронајдени во некои гробови. „Ова е без преседан. Ги продлабочува палестинските корени на оваа земја и покажува дека тие датираат илјадници години“, рече Џамал ​​Абу Реида, генерален директор на Министерството за антиквитети во Газа.

Палестинските територии некогаш биле важна трговска станица за цивилизациите од старите Египќани и Филистејци опишани во Библијата, преку Римската империја и Крстоносните војни. Во минатото, локалните археолози повторно ги закопуваа наодите поради недостиг на средства, но француските организации помогнаа во ископувањето на локацијата, која беше откриена минатиот февруари од градежна екипа за време на работата на станбениот проект финансиран од Египет.