Ana
Цвеклото е зеленчук што треба да се вклучи во секојдневната исхрана.
Особено за време на постудените денови, цвеклото е зеленчук што треба да се најде на трпезата бидејќи е исклучително здрав. Благодарение на високата содржина на железо и витамини, цвеклото го штити телото од вируси и ја зајакнува крвната слика.
Се препорачува особено за анемични луѓе, но освен за здравје, може да се користи и за други намени – за нега на коса и нега на кожа.
Доколку имате проблеми со опаѓање на косата, се препорачува да пиете свеж сок од цвекло, кој е богат со разни протеини, калиум, фосфор, калциум, како и витамини Б и Ц. Сите овие состојки ја подобруваат циркулацијата на скалпот, и потикнуваат раст на косата.
Со мешавина од сок од цвекло и оцет, измијте ја косата после миењето најмалку еднаш неделно за да го исчистите скалпот и да го отстраните првутот. Можете исто така да користите цвекло во негата на кожа.
Исцедете цвекло со средна големина, и премачкајте го лицето со овој сок со помош на памучна вата или памучна газа. Исплакнете го по 10 минути и измијте со благ сапун.
Повторете го овој третман еднаш неделно, по можност пред спиење, и вашата кожа ќе биде видливо посвежа и без акни. Исто така, сокот од цвекло може да помогне при флеки на лицето.
