Која риба го надминува лососот?

Се препорачува да се консумираат две порции риба или морски плодови неделно, а постојат бројни опции кои можат да ни помогнат да ја постигнеме оваа цел.

Сардините се сметаат за најздрави риби, врз основа на достапноста и хранливоста. Конзервираните сардини се полни со омега-3 масни киселини кои помагаат во намалување на воспалението и се поврзани со намален ризик од депресија, срцеви заболувања и мозочен удар.

Конзервираните сардини се исто така преполни со калциум – една порција има приближно минерали колку една чаша млеко. Тие се исто така значаен извор на витамин Д, кој помага во апсорпцијата на калциум.

Поради сето ова, сардините го надминаа лососот, пишува Today. Други здрави видови риби вклучуваат лосос, пастрмка, камбала, туна, бакалар, црвеноперка и инчуни, додека љубителите на морска храна можат да избираат помеѓу школки, ракчиња, шкампи и ракови.