Времето денес:
Претпладне сончево со мала до умерена облачност. Од пладневните часови претежно во планинските региони ќе биде променливо облачно со локални врнежи од дожд, краткотрајно поројни и со услови за ретки грмежи понекаде особено на југот. Ќе дува слаб до умерен ветер од северен правец.
Во Скопје сончево со мала до умерена облачност и со услови за појава на краткотраен дожд. Ќе дува слаб до умерен северозападен ветер.
Во следните денови времето во претпладневните часови ќе биде претежно сончево, а од пладневните часови ќе биде променливо облачно со локални врнежи од дожд кои на места и особено во планинските региони ќе бидат поројни и проследени со појава на грмежи.