Ana
Овојпат ние ви го пренесуваме рецептот за латкес со слатки компири.
Потребни состојки:
- 650 гр слатки компири
- 50 гр брашно
- 2 јајца
- 1 мал кромид
- 1 лажичка лук во прав
- сол и бибер по желба
- масло за готвење
- павлака за сервирање
Подготовка:
Излупете ги слатките компири и изрендајте ги. Потоа, исчистете го кромидот и, исто така, изрендајте го. Ставете ги изренданите компири и кромид во чиста кујнска крпа и убаво процедете ја течноста која е вишок. Изренданите компири и кромид ставете ги во поголем сад. Додајте им јајца, брашно, лук во прав, сол и бибер и убаво измешајте.
Загрејте масло во поголема тава, врз него ставете две до три лажици од подготвената смеса и обликувајте мала палачинка. Пржете ја палачинката три до четири минути, а потоа внимателно превртете ја на другата страна и продолжете со готвењето со истата минутажа. Палачинките однадвор треба да бидат крцкави, а внатре меки.
Послужете ги палачинките со кисела павлака.
Добар апетит!
