Принцот Вилијам за прв пат проговори за „исчезнувањето“ на Кејт Мидлтон

Принцот Вилијам го направи своето прво појавување во јавноста откако се шират гласини за тоа каде се наоѓа Кејт Мидлтон по нејзиното закрепнување од „планираната абдоминална операција“ минатиот месец.

Кејт Мидлтон е главна тема на медиумите откако беше објавено дека ја направила споменатата операција која подразбира подолго закрепнување. На интернет експлодираа теории на заговор за тоа каде се наоѓа Кејт Мидлтон. Омилената принцеза од Велс последен пат беше видена како оди во црква на Божиќ 2023 година, придружувана од нејзиниот сопруг принцот Вилијам и нивните три деца – принцот Џорџ (10), принцезата Шарлот (8) и принцот Луис (5).