Европскиот суд за човекови права донесе пресуда со која се повикува Русија да ги признае истополовите унии. Кремлин реагираше брзо, изјавувајќи дека истополовите бракови во Русија „не се дозволени“, согласно уставните измени донесени минатата година.
Европскиот суд за човекови права пресуди во тужбата покрената од три руски истополови парови откако руските официјални лица не им дозволија да се венчаат.
Судот заклучи дека Русија го прекршила членот осум од Европската конвенција за човекови права, кој го нагласува правото на почитување на приватниот и семејниот живот.
„Русија имаше обврска да обезбеди почитување на приватниот и семеен живот на апликантите, обезбедувајќи законска рамка што ќе им овозможи да ги признаат своите врски“, рече судот.
Судот го отфрли аргументот на Москва дека спротивставувањето на истополовите заедници е широко распространето во Русија, наведувајќи дека „остварувањето на правата на припадниците на малцинството не може да зависи од прифаќањето на мнозинството“.
Коментари
Loading…